傍晚騎TMAX出尖沙咀，雖然成功跟位語音導航去到目的地，但同原定路線有所不同，始終真實路面情況未必與網路版本相符。
行過去面馬路，上樓梯就係光仔間舖，將信物交俾櫃枱，急急落去著車走人，話晒係鬧市路邊嘛。上公路前經過幾個路口，鬧市既人流風光確實唔錯，後生仔女，打扮外出，為凝滯既空氣帶來一點生氣。
回程cut唔切線，行咗去大璵山!錯有錯著，可以行青馬大橋黎望住紫霞天色，頓時諗起2007年MAJESTY 250 THE PREMIUM SPORT既CG廣告短片。當年揸SUZUKI SKYWAVE既我，點會諗到有一日我會係吊橋上騎住YAMAHA出品黎欣賞夢幻天色。
PS:經屯赤隧道番歸，兜去友愛買大雞大食，今次係裝修後第一次惠顧。
