今晚臨開飯前騎羊去油站等老豆,其間影咗呢張相.只係一個鐵栅之隔,人力既單車同電單車並列一齊.
諗番起2002年,我都係邊學電單車,邊學踩單車,因為電單車堂總係上唔到腳,係咁訓車,炒車........同一時間學兩樣嘢,對於無咩運動細胞既我真係好困難.個陣時都係阿潘陪我去宿舍附近既爛地停車練單車,至於架車就唔記得係唔係阿強借俾我.
我仲記得當練到可以雙腳離地時,好似飛機起飛既感覺,好興奮.場內試重考兼路試重考,卒之都攞到個車牌.直到而家騎羊已五年,雖然唔係好叻好快,但總算安安全全,平平安安.
ps:仲記得阿強個句:"真係好難相信一個人由唔識踩單車,到學識兼考埋個電單車牌,仲可以載埋我"
