十月頭個陣,已然停止長高,並係頂部谷咗個花蕾仔.其實八月開始發芽時,試過個苗軟得滯,近泥面位有折斷情況.同事朋友們話可能太多水,諗諗吓可能係自己每日都叫幸男澆水兼講"快高長大".....結果用多啲泥黎冚住個折位,兼用竹籤黎固定個苗,一度諗定"DNR".後黎花花可以繼續成長,仲生多啲葉,生命力真強.
其實我都有俾心機去同盆花曬太陽,朝早係房既南位,中午至太陽落山就係電閘頂既西位,追住個太陽0架,落雨就收番入簷下.可惜花開後就步入凋謝期, 諗起以前睇魔神英雄傳,劍部一郎話過"唔懂得賞花的話,就唔可以成為一流既劍客".
