今日同台灣女生帶幸男出尖沙咀既CHARILE BROWN CAFE會合OSCAR同阿嫂,兼諄諄兩母女一齊食tea,因為要同花女一齊去百利揀花仔花女衫,兼且培養定友好關係.幸男見到蛋糕就開心,一個人食晒一件蛋糕~
行去隔百利行咗一個鐘左右就揀好咗白色花仔禮服,花女諄諄都揀好一條白色裙.本來想俾幸男著黑色禮服(扮禮服幪面俠??),但併落去好似白色襯幸男多啲.背心就未有貨,要遲啲攞,但煲呔就揀唔啱,結果同大隊分道揚鏕後,去咗附近間ice fire睇.幸男都有落手揀,有相為証~
起初覺得呢個煲呔麻麻地,有啲似髮型屋外既燈,但攞幸男套衫出黎併吓,又OK喎~雖然係大人SIZE,但都可以調校到啱幸男既頸圈,大少少睇落仲得意啲啦~
求其係尖沙咀搵間日本嘢食,因為要餵幸男食飯仔,搭西鐵番屋企,係兆康站轉車時撞見趕番夜既惠嫦.幸男無反抗吓跟咗惠嫦行咗一段路,遠離我同人家都無喊,臨尾仲可以抱住影合照,非常熱情,氹得惠嫦開開心心.
PS:揀衫時幸男同諄諄都玩得埋,相信當日都唔會有問題,最好就搵多次花仔花女見面,熟落啲嘛~
