今晚台灣女生番夜,晚飯係藍地既嘉爵食,貪佢夠就腳,人家搭一個站輕鐵,我就踩單車去.
叫咗個上次話賣晒既胡椒豬肚布袋雞,以為係醉雞窩個種,點知係一大煲湯,可分十個碗仔,唔怪得個待仔寫咗我地四個茶位,仲係咁問我地真係上得?
楜椒湯夠晒味,辣味令我飲一啖就打一次嗝,個身都暖晒.湯料足,雞肉好腍,好似罐頭紅繞排骨個種質地,一大塊既豬肚,由侍仔剪開一塊塊.
飲湯都夠滯,點知個魚香茄子煲都大個,一湯一餸兩白飯已令我哋投降.......................
結果我飲咗三碗湯,人家飲咗四碗,有剩既用外賣兜裝走.魚香茄子煲就食得三分之一,命運都係包走.
入咗盒都好似茶餐廳叫既外賣飯盒,但餸既份量更多.埋單都係$277,真係超抵食,聽日番工前既午餐又有著落.埋單前,人家仲可以食得落個糖水,我就讓埋我個碗出黎....
