聖誕氣氛

好耐無買聖誕節咭,今日都係吉之島揀咗張俾幸男,另一張就係幸男送俾同學仔既.由於幸男未識寫字,所以由台灣女生捉住幸男隻手黎寫,幸男都好似好認真咁回咭.

吉之島擺滿多種聖誕糖果小食,我就揀咗熊仔形狀既蘇格蘭牛油酥俾幸男,個樣夠得意,味道都唔錯丫.幸男食得知味,但不時望住塊餅,唔知係咪有啲唔捨得食咗隻啤啤熊呢?

罐面係巴士公仔,已經啱晒巴士迷幸男,罐邊既熊仔餅相,確實令我有信心幸男會喜歡呢份聖誕小食,因為幸男好鍾意啤啤熊,訓覺都攬住0架~