今朝特意騎羊入元朗,因為行車證今日到期,趕住今晚零晨前要更換.雖然二月尾就去良記搞牌費燕梳,但一直無時間黎攞.以前良記係地舖,但二月尾黎個陣已經係轉咗係閣樓舖,唔知係咪要慳租定係自己舖間出黎收租??
收齊文件,行番去大馬路既通利琴行,因為屯門個間執咗,谷住要入元朗,無諗過係地庫舖.啱啱至上樓梯,而家就落樓梯,為既係台灣女生係FACEBOOK見有THOMAS火車既舞台表演,於是被委派去買4月1唬既飛.VIP飛$550一張,大小同價,見都有G行,所以買3張.
同台灣女生係市中心食完晏,騎羊去接放學時,俾咗張RECEIPT飛同宣傳單張幸男睇,問佢四月去睇火車好唔好,答案當然係"好"!
平時都少帶幸男出去玩,見幸男仲係咁有童真,當然要一家去親子娛樂,下次唔知會唔會有機會去睇馬戲團表演呢??
