今日番完早更,趕去新墟巴倫紐米會合老豆,睇西部牛仔主題電影-獨行俠.無諗過咁多人去睇,好在都買到即場飛.細個住油麻地時,老豆會開住電視睇西部牛仔片,而且時下都少以西部牛仔作主題既電影,所以今次約定老豆一齊入戲院睇.
電視TRAILER好似好緊湊,但原來兩鐘既時間內,動作之間有好多文戲或者係無厘頭笑位.風格亦以灰諳為主,背樂偏向輕鬆路線,感覺有啲似睇成龍賀歲動作片....比較番魔盜王的話,其實風格相約,並非賣弄冷酷或感性英雄既方向.
最後首腦戰既精彩片段,已係電視廣告裡呈現,廣告既背景音樂,比電影中播放既Rossini的 威廉泰爾序曲 (William Tell: Overture)更為緊湊....老豆睇完都話麻麻地,早知睇悍戰太平洋打餐懵好過,可憐既我番完早更兼挨住肚餓黎同老豆睇戲...............
