A2青山灣

今日晏晝同台灣女生上外母家接幸男,坐的士去青山灣,因為人家既同事約咗BBQ.水質就真係麻麻,但都要同幸男落水玩下當到此一遊.

小朋友玩泥沙,幸男仲鍾意親手搗毀自己砌既沙城堡.黃昏時間帶幸男去沖身,兼上油換衫.由於近燒烤場,所以叫幸男自己走去燒烤場搵媽媽,我就目送佢接觸到媽媽,先至轉身去沖身換衫.

同事們都係一家大細黎玩,幸男同相熟既玩伴一齊玩水槍同玩具,我被小朋友委任為運水專員.

幸男當然無自己燒嘢食,只係人家燒完塊包,交個道具過幸男影相.

大人們為自己及小朋友而努力,大熱天時BBQ都真係一項挑戰,幸好近海,不至於太悶熱.

最後黎張大合照,數落應該有6個家庭.整體表現,幸男都算乖,只係玩水時整濕咗條褲,好在有後備褲.希望呢個大假可以同人家陪幸男多啲,小朋友既暑假應該開開心心嘛.