今晚約咗方大姑拉一齊晚飯聚舊,原來方大姑拉之前已與同事幫襯過K11既GOCHICO.
是日星期五,七點幾去到都要等張枱,但都要成半個鐘至有得入座.我地揀咗個套餐,再加散叫,食品份量較少,但味道都唔錯.
其實呢個聚餐已約咗一段時間,只係各有各忙,結果順延到今晚.
點可以少得相熟牌子既生啤?舊朋友耐無見,話題離唔開工作及生活難題,幸男都算乖,無扭計搗計,有賴人家既陪伴.
呢個芝士薄餅都幾好食,芝士味夠晒濃郁.
幸男差唔多食咗大半份法式牛油烤魚,睇黎真係好啱胃口.
炆牛肉唔錯,只係份量少咗啲,以及肥膏較多.
十年多了,以前一齊跑步游水既方大姑拉,成日都話我負能量.....
行去搭巴士時,見i SQUARE外展出b duck情景,於是從背包拎出相機為倆母子增添合照.
