THOMAS火車路軌2015暑期版

放暑假,幸男同我講"爸爸,你放假幫我砌THOMAS路軌丫".心水清既幸男同婆婆講"都第三日啦,爸爸都未砌路軌哦",今日係大假第四日,清晒啲功課,動手為幸男打造一個綜合路軌.

唔好睇少呢個組合,其實包含咗3盒主題路軌玩具,散組件套裝,及嫲嫲既中古陳例組件(朋友倉貨).

外母見我砌得咁苦惱,就話"你砌得幾多次丫, 出年佢都可能唔玩咯".出年幸男升小學,可能會好大轉變.我同台灣女生都係唔想幸男太多壓力,盡量想幸男有一個多點童真既回憶,培育一顆堅強又溫柔既心.