購物日

跑步鞋爛咗,上次係荃灣千色既東京運動店睇唔啱,於是上官網搵咗對MIZUNO Wave Idaten Dyna 2 Wide.番完早更,騎羊去市中心食晏,搭63X出佐敦既恆豐中心睇鞋款.對上一對都係呢間專門店買,點知都係無心儀既款....好在職員哥仔好心,我用手機問佢有無香港官網展示既Wave Idaten Dyna 2 Wide,哥仔用電腦check到最近可以去隔離既永安.

係永安三樓運動部既東京運動店試過心儀跑鞋,雖然無日本官網最新既黃色,但紅白配搭都好合心意.付款後,係隔離背囊區域見到lafuma背囊幾斯文,啱晒平時騎羊長袖恤衫配短褲既休閒風.尖東永安分店都無呢個顏色既新貨,唯有就範買下呢個聲稱只係擺咗一星期既陳列品,只係嘥咗等分店回覆既半個鐘....

搭巴士番市中心,騎羊去友愛買大雞大bb雞當晚餐,見舊百佳位置開咗間偉成,入去望下,見有台灣女生啱飲既紅酒.其他分店都唔再見有,於是一口氣買晒兩支,反正有紅酒櫃,可以存得嘛~

PS:很享受搵到心頭好既今日,可以自私地為自己而及人家而行街購物.