聖闘士星矢-黃金魂

今日睇J2播既聖鬪士星矢黃金魂,故事添食係己知之數,但復活後既黃金聖鬪士係北歐神鬪士地域出現,又係輸在起跑線-結界.

近鏡望落好似幾靚同細緻,但遠景就好似小學生求其畫幾筆咁(補習社畫室貼玻璃之作品)..神鬪士聖衣亦都人面全非,已不再係舊有既雙頭龍,八腳馬,魔水晶,豎琴,黑虎,天狼,巨蛇.....新既神鬪衣似OMEGA既型式,薄薄膠膠的質感...

睇番廿年前既TV版,立體感反而更為實在,故事亦無咩吸引元素,除咗聖衣會變咗神聖衣模式,節奏及熱血度都大不如前.

望真啲,當年人手畫既都唔差,點解今時今日會退步咗.我估係用除咗大頭大特寫,重要既畫圖之間就由電腦代制(慳時間)...

當年既遠景都只係寥寥數筆,新作只係色調較鮮明及多畫幾筆了事.......

反觀之前既冥王神話,畫功絶佳,絶無粗製濫造之感.以上一代既聖戰作主題,人物及招式上有多點發揮既空間,節奏,感染力及熱血度都比TV版強.

黃金魂點都好過OMEGA(至少無屬性設定),會一邊睇落去一邊期待冥王神話既新一輯動畫.