收工齊嘆Frozen Beer

今日番完晏先去代外母攞葯,再騎羊去外母家交收,之後番屋企放低愛羊,搭的士會合大隊係紅橋一齊飲Frozen Beer.原本豹哥發起齊試Frozen Beer活動,大家係社交網絡廣告上見到屯門既紅橋有一間酒吧供應,一心要來試.適逢今日番晏多男同事,於是擇日不如撞日.

嘢食如網上傳言一樣,要等好耐,尤其係呢個芝士焗蠔,等咗大半個鐘至上枱.....幸好味道唔錯~

雖然大家都係番晏,但jason同碧權已被調往其他工作單位.收工一齊邊飲邊食邊傾,有咩開心唔開心都拎出黎講,放下平日既繃緊.雖然張枱對住大風扇,始終都係戶外枱,大都坐到出晒面油同汗.

PS:夜晚食飯時,係公司樓下既真善美揀咗呢支可摺性手杖俾外母用.英國牌子($180),可負重110KG,總比百二蚊既大陸貨有信心.校好手扙長度後,送外母同人家上的士,我就將輪椅及步行架推番去A&E,再上番CANTEEN會合同事.X光片唔似有骨折,今晚台灣女生係外母家留宿,照顧一大一細.