父子One On One

今日晏晝同台灣女生帶幸男去市中心食拉麵,幸男每次都第一時間食咗塊紫菜先(我細個飲阿媽滾既紫菜瘦肉湯,都係第一時間夾紫菜食).

同幸男行玩具部,見到盒迷你一千塊砌圖,火車卡配上滿地花草之木材車站,確實俾人"美"的感覺,引申至幸褔的聯想.我第一個想法就係砌好咗之後掛係幸男間房,希望我可以成功合成呢幅迷你一千塊砌圖.

雄心壯志,環保袋載住砌圖連架,兩父子行去PAUL LAFAYET,幸男食心愛既STRAWBERRY HEART,我就飲TEA SET既咖啡(加$5飲cuppucinno).

食到個餅底,我叫幸男扮個唔開心樣黎配合斷裂既心形.幸男係咁笑,最終影呢個憂鬱樣子.

幸男好快就忍唔到笑,並將剩餘既餅底俾咗我食.

夜晚番老家黐餐,有我鍾意食既蟹,幸男就食均其他三碟餸.以前幸男食糊仔個時,係屋企one on one辛苦好多,幸男得個"喊"字,自己就捱波仔飯.......

番到屋企,播晏晝係大眾書局買既thomas火車dvd俾幸男睇.雖然我叫幸男揀有thomas既故事(有特價嘛),但幸男堅持要買呢隻,好在幸男都話啱睇.我自己就買咗<頭條殺機>,因為節拍無租賃版,另外見特價,為幸男買番隻DAY OF DIESELS既DVD,唔洗次次都睇爆格既VCD~