北海道東京親子旅行Day 1

夜機的確係辛苦,大人都唔係好訓得著,即使小朋友訓足大半程,但得個三個鐘又邊夠呢?當地時間朝早六點等轉機,幸男仲未訓夠,我自己都好攰,我抱住幸男一齊訓黎等台灣女生可以先去探路,睇下行去邊度CHECK IN.

臨上機前,係便利店買咗個冰凍生果串(士多啤利+菠蘿),大家分黎食,味道都唔錯,第一個反應同幸男既一樣"好硬".

東京飛去北海道,需時一個鐘有多.買咗既<法醫.屍體.解剖室:犯罪搜216問>都無精神睇得耐(兼且又熄燈),於時第二轉機趁訓醒貓仔覺,繼續揭....

落機第一件事就係開餐,因為已近十二點.幸男揀咗一間近電梯既日式餐廳,原來都多人幫襯,要留名等枱(我都係跟當地人係塊waiting list板上順住次序寫低自己個姓同人數).

今次卒之係日本當地飲Frozen Beer,上年係九洲飲唔到,要今年8月係香港初嚐.

午餐戰術:兩個大人餐,兩大一小分黎食.我主力食海膽三文魚子飯,加少少刺身.

幸男就咩都食均咁滯,除咗刺身.

相比湯麵,幸男都係較喜歡紫菜蕎麥冷麵.

食完晏,領隊(人家)帶大家去商場食街既一架電車影相留念,因為資料搜集時得知呢個係機場內一個景店,可以滿足幸男一嘗車長既心情.

跟住就係去機場商場內既"Doraemon Wakuwaku Sky Park".

先玩滑梯,再去入錢整個紀念銅板,繼而入錢一家影貼紙相.

俾過入場費,正式入去同叮噹既大型情景影相.場內仲有亙動既電子遊戲,例如填顏色,踩地上投影(類似跳舞機).....

入場者可與真人扮既叮噹合照一張,我先用相機借正在合照既遊客試設定,再俾職員為我地合照.

其他情景區域都係融入TRICK EYE MUSEUM既模式.

燈光太柔和,幸男又四圍走,要影張似樣啲既相都有難度.....

搭免費穿梭巴士去機場附近既outlet,下午茶時間,當然要坐低抖下.語言不通,原本係想凍啡轉雪糕球凍啡,但變咗係每樣一杯....可能係閒日關係,outlet唔多人,入店舖睇衫及食嘢都唔會逼同要等.

幸男一開始係outlet室內兒童遊樂場玩滑梯時唔少心撞到左邊面,紅咗一劃(喊到面紅嗚咽).事主報稱滑梯太斜(只係較高),所以速度太快撞到側邊.家長專家小組認為事主應該唔夠訓,兼無訓晏覺就繼續玩,所以唔少心撞到.

Outlet大部份買既嘢都係幸男既童裝,我就買咗件lee既厚褸(因為我件皮樓不敵13度既環境),人家就無咩收穫.搭穿梭巴士番機場,同幸男一齊係等候區既椅子訓住黎等領隊去搞JR PASS.搭JR去札幌,拉住喼咁去酒店CHECK IN,房間真的好細,兩張單人床加一張梳化床就無咩位剩,開喼都要係近房門既玄關位....

大家都好攰,晚餐係酒店附近既細間拉麵店享用. 食品味道唔錯,只係幸男食唔晒一碗份量.店舖師傅好似有啲孤高,於是我請坐隔離一家四口既當地人為我地合照.

放低行李,先至可以影吓酒店既外觀.望落好似好GRAND,其實內籠都少殘.

房間樓層升降電梯位掛上大幅針織掛布,望落真係好以GUNDAM UNICORN出現過果張.