大掃除14小時

朝早送完幸男番學,番到屋企就動手拆客廳既窗簾布去洗衣機,再抺全屋既玻璃窗,搞到近中午至完成,乾淨到反光(一年所累積既污垢真係唔嘢少)~

騎羊同台灣女生一齊係藍地食完晏,送埋番公司.難得一個人留守家中,努力曬晾窗簾布之餘,急忙為愛羊清洗及打蠟.

打完蠟,騎羊去市中心,先去幸男既家庭醫生配定傷風感冒葯(新年看門口用),吉之島超市買定晚餐食材,麵包店排隊買蘋果批,美心皇宮排隊換利苑既蘿白糕(兜咗個C字),再去商場內既美心西餅換特瘦臘腸.

番到屋企,忍唔住拎相機出黎為愛羊拍照,留低咁醒神既模樣~

影完相就煲住飯黎開始室內清潔,飯熟就剪片兼叮番熱吉之島超市買既鰻魚,一人前日式晚飯配英國Tetleys'啤.食飽就繼續掃塵,吸塵,拖地,洗厠及抺門.....近十一點至完工,總算趕得切大掃除之項目.由七點起身運作14個鐘,做咁多嘢,真係個人紀錄,但勝在可以安心過新年~

PS:對上一次打蠟已經係四個月前了,今年三月愛羊就服務十週年啦,辛苦你了,SKYWAVE~