老媽60大壽

今晚幸男著得靚靚去出席嫲嫲60大壽宴,原本只係新斗記訂一圍枱,但今日酒樓通知有一間獨立房俾我地.

親姊妹都到來高興吓,好耐都無一次過見少媽,鑽媽及雪姨(婆)~

特意點了個招牌鵝腸助酒,好讓一眾姊妹共聚(細個已見大人們飲啤酒)~

原本叫職員幫忙影大合照,但效果唔太好,都係自己影既較啱心水,老豆同老媽就經常唔望鏡頭.

大佬預訂咗個2磅蛋糕,幸男一如已往,爭住吹蠟燭,嫲嫲當然唔介意.

"樹欲靜而風不息,子欲養而親不在",兒時老媽經常以呢句說話黎訓示我(每當認為我做錯或不服氣).繼老豆後,老媽亦踏入花甲之年,希望兩老既生活係健康愉快.老媽好似上次老豆六十大壽酒樓飯局時,送我同大佬每人一個吊牌,好像父母放心兒子往後既生活.平時不自覺既心跳,變得較沉重及慢板.

以前唔明點解長者既固執,長大了就體會到長者既心情-很想用自己喜歡既形式去享用比年青人更珍貴既時間~