朝早送幸男番學,係球場見到大量候鳥飛過,即時叫幸男睇兼自己影相,並解釋候遷徙既概念.
與台灣女生騎羊去相熟茶餐廳食晏兼送番工,再奉命騎羊去銀行分行入票.心血來潮想係樓上既超市行下,點知聽到熟悉既人聲(外母).原來剛經過那一位校服恤衫腳外露,上身向前挨著購物車既小朋友,就係我個仔(野生捕獲)......
與兩婆孫告別,自己騎羊去市中心補給日用品後,番屋企邊飲著吉之島超市買既咖啡,邊補打bog.
另一邊廂,我就係花園與thomson一齊為家務奮鬥,目標係清洗晒屋內之窗簾布(新年洗唔晒).
上yahoo見話亞視或會今日六點熄台,於是開住電視黎目送最後一程,結果竟然係流料,仲有新聞播.
友台既新聞都有報道財困既亞視之最近動向,原來字裡行間已暗示....
晚餐係冷盤,原本以為夠飽,點知都係肚空空.
突然醒起雪櫃有上星期老家黐餐時帶俾人家既餸,於是叮番熱黎食,感覺豐富及飽滿好多(之前既只係前菜).
等人家放工番黎一齊睇<摘星廚神>,以年少無盛兼沉淪毒海既男主角,康復後決意拉攏舊餐廳老闆,組織廚師新團隊以重奪米芝蓮之星為目標.現實社會中, 偶有星級大廚因面對壓力而輕生,顯得電影男主角既過去有血有肉,非一般正氣型男,天馬行空發揮創意之舊橋段.
繼一級雙雄後(Rush),再一次欣賞到Daniel Bruhl既演技,期待更多佢既演出.
