3號風球騎羊

尋晚三號風球打到今朝,中午時份話將會轉為一號風球,見有太陽兼無雨,膽粗粗咁照騎羊去老家收餐.元朗公路比平時大風一點,但未至於會影響行車平衡.

平安到埗送餐,收拾枱面後,落canteen買杯熱鴛鴦外賣俾老豆.無飲西茶四日既老豆,當然開心到笑(可以自行,攪肚痛都無咁麻煩).

回程前落咗場大雨,上公路時偶有細雨點,番屋企放低愛羊,行去燊光會合放工既台灣女生食晏(下午茶).經過一間新開既生果店,買咗車厘子同呢款好以red blood cell既西班牙扁桃,今晚俾老豆享用.

天陰有雨,夜晚搭的士入老家載埋老媽大佬一齊去醫院探老豆.如無支節的話,明日中午可以出院.