早更後探病

早更跟大隊一齊叫外賣飯,上一個鐘workshop.騎羊番屋企攞頭盔去外母家接台灣女生,再去兜去老家接過老媽為老豆準備既飯盒,往博愛醫院送外賣.

晏晝老媽送飯探望時,老豆胃口已好啲，晚餐都可以食得落，只係仲有少少反胃既不適.

摻扶老豆番床休息,安頓好儲物櫃及枱面,我同人家行去隔離既泰屋食晚飯.

呢個啤酒蝦,真係好大堆泡冚住啲蝦,但味道有啲似中式既辣味炒蝦.

鐵板蠔餅味道一般,份量搭救.

暹羅特飲,仲以為係個椰青載住,原來係一個打得爛既陶瓷器皿.人家話似雜果西米露,當甜品食都得.

我就叫咗杯象啤生啤,趁番泰國菜主題.

初試牛肉沙律,味道麻麻,都係泰式柚子沙律啱食啲.

呢度仲有一個著名景點-新港酒店,雖然唔係幫襯,但都係忍唔住影低懷舊味重既霓虹燈招牌.

番到屋企,仲要洗埋兩機衫,晾好至可以訓,唯有邊飲邊等邊晾.

PS:最近收側架時既聲怪怪地,今晚卒之得知原因-踢腳位金屬疲勞.落布冚時見則架同平日唔同,原來踢腳位有一個接點分離咗.再"禁"多吓就應聲墮下....

日子有功,好似聖鬥士星矢裡紫龍卒之都可以將廬山大瀑布逆流踼上.....