STAR WARS: FORCE AWAKENS

今日係屋企睇租番黎既戰球大戰之原力覺醒,海報與以往既格式相若,甚有80年代感覺.

 開場既文字述說,一樣以經典型式表現,過場既手法亦都係以橫向楕圓圖去交待.

 新機械人BB-8外型比舊式R2-D2新穎及多功能(呢一幕打火機扮人類豎姆指好搞笑),其球型主體容許BB-8高速移動.

福伯再一次飾演Han Solo，不過係年老版既Han Solo，畢竟故事設定為Return of Jedi後30年。

銀河帝國覆亡後，餘黨支線“First Order”秉持統一銀河及強者主導之埋念,於銀河系四處作亂.男主角Finn原為First Order之白兵仔(Stromtropper),於前線執勤時驚見戰爭之殘酷,並將新共和國反抗軍戰俘Poe從基地放走,一齊逃離.之後遇上女主角Rey及機械人BB-8,開始詐稱反抗軍成員並參與抵抗First Order之行動.

 First Order於星球上建設比Death Star更大型炮口既激光武器,吸取太陽能之後,可以一擊多個星體.
Han Solo與Chewie以愛駒千鷹號(Millennium Falcon)之光速航行來突破武器星球之保護罩,並根據Finn之提示破壞其動力設施,好讓反抗軍之X-Flighter群可以攻入炮口.

First Order之The Knights of Ren首領Kylo Ren趕至阻止Han Solo,並克服光明原力,親手殺害父親Han Solo.原力覺醒既女主角Rey被Finn營救並接過傳說人物Luke Skywalker之激光劍(Finn於Maz Kanata之酒館地窖獲取,以作臨時抗敵武器)與Kylo Ren激鬥.

成功破壞First Order之星體武器,R2-D2從低電狀態穌醒,提供失去既另一張星際地圖.Rey以BB-8及R2-D2結合之地圖去到傳說中第一個原力發源地,以尋找因愛徒入魔而隱姓埋名既Luke Skywalker.

歷史性一刻,女主角Rey以激光劍作信物,令Luke Skywalker明白銀河系之召喚.

科技進步,Luke Skywalker以精細機械手出現,不再僅以黑手套作義肢.細個同老豆睇星球大戰,廿來歲就睇星戰前傳,而家做埋人老豆就睇添食後傳,情義結當然濃厚.

Kylo Ren以黑武士Darth Vader作目標,超越其黑暗原力,但論造型就唔及30年前既前輩.全黑布衣,路線偏向粗野,但頭帽就好似有點似JEDI既傳統設定,頭盔設計比Stormtropper或Silvercord失色.

2016年既審美觀,Darth Vader雖然擺脫不了30年前既舊時尚,但外觀上總算係整潔兼搶眼.雖然網上有評論話"星球大戰之原力覺醒"無咩新意,但我覺得前設係過往星戰系列既繼承作,確實難以跳出框框.除非故事係與Return of Jedi相隔更耐既時代,方可以將舊人物淘汰,及融入更多新元素.