今日係行街購物日,第一站係食晏,台灣女生帶我去蟹家食晏,人揀既係蟹鍋定食.
我就叫咗份蟹扒定食, 眼濶肚窄地以為會唔飽,點知都係啱啱好,白飯當然係只食到一半.
少出港島區,見到唐樓下咁特別既斑馬線,忍唔住影番張相兼後悔無相機係背囊.
行完FRANC FRANC,再去LOG ON逛吓,見到舊手掌咁大既擦膠.之後再去咗hmv旗艦店,可惜無心水日本cd買(以前尖沙咀既Hong Kong Record啱我多啲)........
攰攰哋,搵地方坐低,藍山咖啡配綠茶味甜品tea set,十足濶太.
我就叫咗個芝士蛋糕,比星巴克既份量細啲~
晚餐係無印良品度食,三餸餐,真係夠晒和式,杯Earl Grey奶茶夠晒難飲.......(只能飲到一半)
難得可以抽身二人放空,人家好有心情地話要自拍.食完飯,一齊行ikea,再去誠品買台式飲品,兼買埋letao既芝士蛋糕,就搭車歸家.
番到屋企,將今日既戰利品放晒入洗碗碟機,總算買齊新既dishwasher safe餐具.唔經唔覺,舊餐具已用咗成十年了...........
