台灣女生牛一,與你一起食的第十三餐生日飯

今日係台灣女生既牛一,原本呢個蛋糕係尋日人家同幸男係市中心買俾我既,但我話留番第二日人家生日正日至食.

外母上門代為看管幸男,我騎羊載人家去yoho mall食晚飯(臨近博愛廻旋處開始塞車).過往多年都係生日去食大閘蟹,但今年因二噁英事宜,無食市有大閘蟹餐,所以轉食日式蟹.

逸の燒今日休息,所以至急忙諗起近近哋係YOHO食,反正日式料理,不如去到盡幫襯"穴".是日閒日,好容易就有位入座,呢個刺身拼盆味道與賣相一樣精巧吸引.

委託餐廳職員為我倆合照,始終相機既質素點都比手機自拍優勝嘛~

人家至愛既梅酒梳打,我就揀咗ASAHI生啤.

香港食飛驒牛,價錢係當地既四倍!生日對自己好啲,一人一份~人家話旅行時幸男食既份量,係香港食就變咗五百蚊......

師傅們努力地處理壽司同刺身,細心啲睇,原來有一位師傅係我哋認得既.繼續從事食品手藝制作,我都"鄧"師傅仔開心,以前既食店見佢都好有心機.

食唔到大閘蟹,轉攻日本蟹,燒蟹腳都唔放過.

蟹鍋湯底都好鮮味.

松葉蟹海膽石鍋飯,我當然係負責海膽.人家話一個人黎食晏的話,呢一款都夠晒飽.

最後一人一串燒,我點咗燒牛舌.

壽星女揀咗煙肉廣島蠔,大家都食得好滿意.臨番屋企前,係Tony Wong買埋芒果拿破崙餅外賣,當聽日早餐.YOHO MALL全面營運,新食店為屯門元朗區帶來新意.可以慳到時間唔洗出市區,又食到餐靚飯,對要兼顧小朋友既父母黎講,已經好偉大.

生日禮物方面,諗住買呢個免安裝既洗碗碟機俾人家,減輕住家飯後既清洗工序.人家同幸男睇過YouTube既官方介紹短片後,都讚不絶口,一於聽日就去市中心落單!

PS:騎羊同人家係市中心食晏,再兜埋去學校接幸男放學.

玩開既同學們一齊合照,臨尾男子組因為攬得太肉緊,一齊跌晒落地下坐......