Happy birthday to me

今朝台灣女生用智能電話app THE GULU黎遙距攞定美心皇宮既飛,再就番籌號出門等攞位.我訓醒至施施然梳洗同帶幸男搭車出市中心.

幸男受媽媽之命,同我影張親子合照.其實呢餐茶係人家最想飲,因為好耐無去酒樓飲茶,平時都只係去名點屋食點心.飲完茶,我去剪髮,因為昨日已用whatsapp同相熟師傅預約.之後,再約人家同幸男一齊係市中心買台式飲品,再搭的士番屋企.

幸男要去同學既生日會(其實聽日至係正日,但就今日放假唔洗番學),我就要等兩母子散場時間,我至騎羊出華都牛蓋買牛肉飯外賣.是日假期,多人堂食及等外賣.師傅慢功出細貨既精神,令我有點崩潰,畢竟係自己生日,食個外賣都要等大半個鐘........(其實我俾完錢已去樓上百佳買咗啲嘢兼放落愛羊行李倉黎打發時間)

兩母子已番到屋企沖埋涼等外賣,兩份牛肉飯,加埋雪櫃既上餐食剩牛扒.冰凍既啤酒,係是晚既寄託.......

幸男係同學既生日會已食咗啲小食,番黎只係食人家煮既烏冬同分小小牛肉外賣俾佢.

食完飯,以新收貨既掛燙機為幸男燙校服.為人父親既我,可以做既係配合家庭,因為我沒太大愛心,為人太求實,未能為家人營造暖意氣氛.

PS:台灣女生同幸男係吉之島玩具部買咗呢個nanoblock俾我,因為年幾前我已話覺得好靚,我摷番係日本買既專用夾黎試砌~