撤走在即，其中一個難題係電視機既運送.今日約齊壯丁,夾手夾腳將掛牆機拆出兼包膠紙.46吋PLASMA機,無三個男人真係唔掂.
趁雨勢稍弱,拉大隊截的士去燊光食晏,壯丁仲要趕時間番工,真係唔話得.
康楠部華為係咁既狀態下,竟然仲可以運作,不得不讚其耐用性.
趁老豆放假，約定迷你倉介紹既司機Jackie搬貨，先將紅酒抽出，以包裝膠紙綑好電子紅酒櫃及抽濕機。先去老家落貨，接駁電子紅酒櫃之電源，再安頓紅酒入櫃。
跟車番屋企，裝第二及第三站既貨物上載貨車。同上次一樣，司機大佬用板車推貨，我就專心將貨安放入倉格,有點擔心究竟個倉夠唔夠放晒啲嘢。
最後一站係將舊PLASMA電視送上外母屋企,完成是日貨運.我一個男人唔夠力,外母搵咗鄰居阿仔幫手一齊抬機,佢老人家就幫手調整座枱架既位置,成功與電視機接軌.
PS:由於餐具已入箱,唯有用日式酒杯黎飲芝華士21~雖然今日己搬咗唔少嘢入倉,但總覺得執屋進度係落後咗一個星期.......
