06:05鬧鐘響起,從梳化起身梳洗番工.收工直接騎羊番屋企,配合台灣女生一齊清屋,食包薯片就當係晏晝果餐.傍晚近六點至用GO GO Van app搵車運送酒店用既物資,可惜司機嫌無得收苦力錢而發難兼座地起價(砌詞行李多,但上落貨共花了15分鐘),氣得我事後以反映意見向GO GO Van投訴.人家check in攞房,輪看管物資兼分幾轉至可以將物資送晒上房.
搭輕鐵番屋企,攞多幾袋嘢就騎羊離開,到酒店食晚飯時已經係九點幾......攰咗成日,叫杯Long Island慰勞吓自己.
過咗Set dinner時段,唯有散叫份扒黎食.
人家挨過一晚通宵之後,臉容憔悴了,只怪當初無早多一星期執拾......
PS:愛羊多年無露宿街頭,特意加上碟鎖,以策萬全~
