放假combo:接放學,pack箱,外賣速遞

外母唔舒服,今日繼續由我負責去接幸男放學.兜去置樂搵相熟雞蛋仔檔,但熟食店外不見了木頭車.正當行去搵另一檔時,大叔推住木頭車進入商場.大叔話要十分鐘後才開檔(小休時間?),我見仲有時間,於是等候呢份連結兩代小朋友既味道.

相熟同學既阿媽為幸男送上芒果布甸,仲要有冰粒雪住,夠晒貼心.

由於天色不隱,無暇鋪野餐布,急急食過茶點,就送幸男上功課班.

由於要努力pack箱執嘢,晚飯由我騎羊去攞西川外賣.下星期就要全線撤離,真係有啲唔樂觀,感覺上好似落後咗一星期既時間咁.