貝爾特人

放假日，下雨天，中午係V city食過晏，係巴倫紐米隔離既惠康補給檸檬茶，番歸就上網邊聽歌邊補打日記。

近六點就落去餐廳會合台灣女生及傢具設計師，一齊傾尺吋及色料,兼一齊食餐飯。

食完飯,人家繼續傾埋啲細節,我就跳去隔離既世界杯直播區，坐定等人齊睇巴西對哥斯達黎加。大投射布幕，加大喇叭，環境配套無得輸！

入場人仕至少消費$55(細支裝啤酒),幸男未夠歲數,唯有叫杯橙汁兼爆谷。多得婆婆帶幸男過黎餐廳,我同人家唔洗兩頭走。

人家趕得切下半場加入,正好睇足全場既2棝入球~中學同窗聚首，合照當然唔少得。

PS: 雖然無得播收費既賽事，但點都好過坐商場地下，或酒吧食二手煙，黎緊應該會約多幾次睇波團。