朝早起身係房享用早餐,成枱和式朝食,始終都係食唔晒(當地人真係可以鯨吞?)......
將行李安放係大堂後,一家三口曬住出門。陽光太猛,要擘大對眼黎影相都有難度。其實呢個海邊前方既親水公園係PATLABOR NEXT GENERATION其中一集(打海怪)既場景,但真係無耐力於列日下行去打咭......
兩父子係遮蔭位喘息,領隊一個人係巴士站邊等車邊用電話上網度行程。領隊有提意過去熱海沙灘,但由於準備不足兼逗留時間唔夠,所以打消念頭。
熱海站落巴士,係附近既熱海駅前平和通り商店街逛吓,領隊見到有新幹線襟章扭蛋,幸男一扭就中咗最愛既Dr Yellow款式~
日本人都有乾貨賣?寫就寫"干物",但又好似晒得乾晒喎....
第一條街有點冷清,但中間果條就真係商舖林立,充滿生氣~
手工啤風行全球,日本亦有不少當地出産既品牌,金色夜叉主題當然融入熱海既商機~
領隊手上果支係蜜柑可樂,幸男揀咗蜜柑梳打,熱海出名蜜柑嘛?
雖然無去OUTLET,但都搵到間鞋舖買咗對日本制紅色SNEAKER鞋,老店員親自送我哋出門口。
午市時段唔想排長龍等位,即興頹食快餐。原來日本既老麥同香港一樣,都係先點餐,後等冧巴取餐~
幸男一個人看管住行李兼等食,成功等到爸爸媽媽歸來。
現實與埋想既洪溝,係全球性既殘酷,實物同點餐果張相係有一定差距。
徒步行番去溫泉旅館(20分鐘),再搭番巴士轉JR去錦系町。車站內見到有吉祥物大叔妖精公仔あつお,覺得好好笑~
今日我地番去東武Levant Hotel,不過房間就有所唔同,因為我地住係高層既Levant Floor。
房間既賣點係(電動掛簾下)高層遠眺既景觀,其實餐廳就係樓上一層。
房間有CAPSULE咖啡供應,唔再係齋咖啡沖劑包,我同領隊都一人沖一杯黎飲~
黃昏時段下的SKY TREE作背景,幸男趁未出門食晚飯,攤係床上玩玩具消閒。
晚餐係TOKYO MIDTOWN搵地方食,結果係一間明治時代創業既牛肉專門店 スギモト等位。其實店內既座位唔多,睇黎店舖主力做外賣弁當或牛肉切割買賣。
領隊叫我一個人去附近搵"水と生きる SUNTORY光と霧のデジタルアート庭園",原來只係戶外廣場內既水池加上霧化水氣同光效,咁就話係デジタル(digital)花火......廣場周邊有唔少美食車,遊人可以邊享用啤酒同小食,邊欣賞デジタル花火。
番入商場,幸男既絶望樣,代表"點解仲未有枱?"。
等成個鐘頭,卒之都有位,卒之都等到嘢上枱........
其實我哋都好趕時間,因為要十點前去到六本目睇東京鐵塔主題既夜景,所以大家都急急口食晚餐。
好趕咁行去六本門,再排隊買飛。上天台前要先將背包或手袋放係locker内(户外大風),遊人只可帶智能電話及相機。倆母子係我試影時,把握時間自拍,因為得半個鐘就會清場。
由於唔可以開腳架,唯有拜托操流利廣東話兼手持相機既年輕遊人代影(如果佢可以企右少少而向左少少就好了,雖然我已向佢示意試影位)～
幸男無乜耐性企定黎配合户外低光下既相機設定值…
無玻璃窗阻隔之下既東京鐵塔,應該可以優化舊wallpaper之質數~十一點就乖乖跟大隊一齊落番室內樓層,係locker攞番行裝就快行toy story展覽,完成晚間景點活動~
ps:我揀既法式西餅(酒店附近商場小店)無預期中咁好食,唯有用啤酒送服........另一方面,領隊同幸男無對自己揀既鮮果蛋糕無任何投訴。
