朝早於房間食過便利店乾糧早點就落樓搵食店買外賣上火車食,但經過一間咁靚既餅店(CAFE de GINZA MIYUKI-KAN)
,點可能唔入去幫櫬呢?
一個CAKE SET盛惠1200円有找~
反而我呢個MORNING SET都只係1000円有找......就算我無食到麵包,都未必食得晒份早餐,唯有向領隊求助........
環境真係晒華麗,啱晒西餅店既優雅特性,一啲都睇唔出係1969年既老店。如果我屋企附近有間咁既舖的話,我諗我一定會係捧場客。
鐵路駁鐵路,個半鐘後抵達京王讀賣樂園。遊客可以車站沿山路前往樂園大本營,我哋當然係揀搭纜車啦~
門口位置比較簡僕,搵唔到影相位,反而入後俾職員捉住影樂園紀念合照,仲幫我哋用自己相機代影添~
飛龍腳踏車,玩家可以於高空路軌上鳥瞰樂園。另一款高空腳踏路軌車上途仲會穿過尸Splash UFO館兼TOYOTA汽車館(我一個人踩,一個圈未夠已開始腳軟)。
小型過山車,領隊要我陪幸男玩,睇吓我頂唔頂得住至考慮會否試玩(諗起幼稚園時代,係黃埔既冒險樂園玩既廻旋直升機)..............
香港廸士尼都有既太空飛船,領隊當然無問題!
今次加入濕身元素,地面上既遊客可以向經過既飛碟射水槍,可惜幸男唔夠高,影唔到個樣。
唔好睇少水槍既水力,積小成多下,兩母子頭髮同眼鏡都要用竹紙巾黎抺乾....
原本只得二人家庭車,排排吓隊竟然開番單人KART車,當然立即轉隊。
幸男繼領隊之後出發,我就係最後至上車。車身騎著路軌而行(有限度控軚),確實無完全自駕咁爽。踩狠油都追唔到幸男,但竟然遇見領隊,原來領隊部車停過幾次喎~
其實銀座區段落雨,但兩小時車程外既京王讀賣樂園就天氣晴朗。
從地圖上睇,令和開幕既水上樂園所佔既面積都唔細。
天氣實在太熱,我只能為大家影相後匿埋一邊抖暑....
幸男偏愛過山車,我搵啱個位黎捕攝幸男既愉快心情。
即使得自己一個玩都無所謂,睇黎幸男好喜歡速度感,唔通係坐得電單車多?
影呢張相時都未知個水煲有咩賣點...............
唔記得問幸男係咪要踩動腳踏先會向前行............
睇完所為既機械人變車後,入場玩CAR FACTORY,係限定時間內為單軌車安裝上外飾,再係館內行走(有點似香港廸士尼既馳車天地)。
領隊為大家準備定雨褸黎玩Splash UFO,唔洗挨貴貨。一家三口坐係船內,先經運輸帶上斜,再於水道滑下。除咗轉彎,仲有360度大廻轉,領隊忍唔住要嗌。水道會有一段會經過戶外,正正係水煲既位置,好在停咗倒水,俾我哋過先(唔知係咪咁啱定預設)~
呢部UFO有點似Dr.Willy果架,我同領隊用電話影相,但被職員勸止兼代存電話(怕隨身物因碰撞而意外飛出?)......
唔明點解要整杯麵,香港機場合味道都整過喇...
搵到間室內餐廳,唔洗係戶外食美食車小食,實在太感動了~
呢杯啤酒係自己去啤酒機斟,杯子會先以傾斜式注入啤酒,最後階段才回復垂直狀態,可惜影唔切過程........
小型跳樓機,大家都叫幸男自己玩,但小朋友未能成功用手拉動座位升高。
結果由我陪同下,一齊帶住手套黎拉動繩子,成功升到最頂並滑落。幸好下降速度無free fall咁快,不過白衫被拉繩整污糟咗....
趁兩母子去番玩機動遊戲,我就走去附近既小食檔買咗TONGUE STEAK,味道一般,可能太乾身~
兩母子再次排隊等玩多轉KART車,無力的我放下背囊並安守於橋上,以天涯鏡作遠攝。
搵咗其他遊人黎試鏡,做足準備,等待幸男駕臨~
領隊亦順利入鏡~
意猶未盡,二人再排隊玩埋二人家庭車(車頭有地縛喵公仔).....
一人一雪糕,大家都要趕快避免雪糕溶化。
好多時怕寵壞幸男,但又唔想小朋友無晒紀律,每次家庭旅行都係家教研修班。
仲記得錦田鄉村俱樂部好污糟果隻。
青蛙跳樓機,今次既下降速度較快,不過會分段停降。
幸男話京王讀賣樂園係去過既樂園之中最好玩。
摩天輪內空氣唔流通,要掏出風扇吹走悶熱。
家庭自拍照,熱到唔想笑......
樂園內最大型既過山車,見到都心驚~
臨走前最後衝刺,一個人包場玩轉轉杯。
香港既主題樂園排隊多過玩,對小朋友及家長都係折騰,所以咁多家長都會帶小朋友去日本既主題樂園(日本廸士尼就一樣得個排字)。
搭鐵路去LAZONA川崎PLAZA商場搵地方食飯,揀咗呢間燒牛舌店。
幸男最愛既燒雞皮。
相無諗過得一個手掌咁大碟,但味道係唔錯。店員端上麵包,讓客人助食減少油膩口感,但我反而怕"索"晒入包,食得仲多油....
大家都好肚餓,好想快啲食嘢。
領隊專用燒牛肉丼。
我就揀咗個牛舌定食,味道好過樂園既串燒好多~~
食完飯,行咗陣家品生活店,買咗唔少嘢(甚平及cooling blanket.......)。掙扎咗好耐,最後都係無買到條adapter線,話晒都成過千円。番到香港都唔會用,怪就怪自己唔記得nokia 9既3.5頭已被閹割(只係預咗有線3.5頭耳筒上飛機用),繼續係酒店房匿埋一角開住speaker睇香港突發新聞及評論(怕嘈住幸男訓兼唔啱小朋友聽)。
PS:係樂園發現鏡頭蓋鬆,原來又係爛咗回彈部位,好在有BIC CAMERA係商場附近。
