朝早我地行番出去金沢駅附近既金沢FORUS商場,為既係尋晚食飯時經過既PANCAKE店早餐。十點半開門,但我地早半個鐘就到門外等,結果成為第一枱客人。
我揀咗TIRAMISU味,三個pancake咁多,當然食唔晒......
領隊揀咗期間限定既桃味pancake,仲話好好食,成功清碟。領隊問幸男大個啲會唔會好似後面果枱3個男生咁約埋一齊食pancake,幸男答唔會(我同幸男都覺得好奇怪)。
之後行陣商場,我就係cd店買咗rider充電線公仔。
校啱時間,行番去車站Locker攞行李,上月台為新幹線幸男合照。
另一邊月台有E4同E5,又係擧機既時候~
幸男係列車上玩列車戰隊figure打發時間。
午餐係新幹線上享用車站買既便當,味道都唔錯,pale ale啤酒亦出色~
銀座有唔少國內同胞團到訪,旅遊巴停泊係路邊。
馬路有一段時間係行人專用,不少遊客自拍打卡,兩母子亦襯高興~
重臨ROYAL PARK HOTEL CANVAS,安頓好行李就出去搵地方晚飯。
領隊搵到間樓上店Toraji食燒肉,餐牌望落都唔係牛角價位,結果叫咗個二人餐再加散叫~
女職員操流利英語向我哋介紹餐牌,總算順利點餐~
每碟都精美可口,絶對令你覺得物有所值!
每碟都有伴碟襯托,不得不佩服廚師既匠心。
幸男當然食得開懷,仲記得沖繩果次食完燒肉既醜聞.........
套餐內唔至齋燒生牛肉,仲有朴葉鐵板燒牛肉~
食到都唔記得呢款係乜肉......
卒之都上到最後一客牛肉,大家都食到滿載而歸~
點都好,都要食埋個甜品至嗌得埋單。
臨番酒店前,一家三口向驚安殿堂進發~
尖沙咀果間都未行過,我哋就直接行銀座店。店內不少遊客,各類家品藥粧及超市食品都一應俱全,我哋就揀咗包裝紙(包住log on striker DX)同成藥(喇叭丸同感冒丸)。
臨領隊話肚痛,幸男又話小解,結果兩母子先行番酒店,但發現廁所有曱甴!領隊用拖鞋正法,並氣沖沖地等我番黎去front desk向職員要求換房。職員upgrade房間,但週末房間緊絀,只得一張雙人床。當我番去舊房搬第二輪行李時,房間已有職員用煙霧殺蟲。我向清潔工示意案發地點,職員望見被正法既昆蟲後,連忙道歉。
完成搬房,幸男安心係梳化邊食邊睇電視。
廁所浴室既空間大咗,方便我匿埋睇YOU TUBE了解香港最新時局(唔記得NOKIA 9無3.5頭,耳機只可以坐飛機用)。
PS:呢款Grand Cru版Hoegaarden味道麻麻.........
