朝早七點起身,趕去搭十點半機,今次來回都係搭JAL。
側邊位窗口位,我當然係坐後排。
幸男不時邊望窗外景觀,邊回頭偷望我做乜。
NOKIA 9係足光源下,表現係非常稱職,如果白平衡可以K數黎調校就更好了~
幸男最愛係飛機睇電視打發時間,另外是次兒童飛機~
JAL既飛機餐係獨孤一款,但味道絶唔會令你失望。人家俾埋佢果份煙鴨胸俾我,我又俾埋份生果過兩母子。
今次我哋揀搭鐵路往酒店,OSCAR於whatsapp見到呢張相誤以為我哋去咗韓國。
雖然中途要轉車,但比巴士直達慳近一個鐘。上車前大家都買定糧水,因為晚飯要係酒店check in後。
Royal Park Hotel,第一次福岡,第二次名古屋,今次係銀座。
領隊忙於開喼,我就係房內抓拍。
列車戰隊球員已經係第二次跟隨幸男出埠。
安頓好行李,一心去酒店餐廳食晚飯,點知已過晚市,只有輕食供應........
話晒係銀座地段,四處都係食肆商廈,一於落街慢慢搵。
近近地,係酒店附近搵到間就快LAST CALL既餐廳。橙汁,梅酒梳打,生啤齊碰杯~
其實領隊睇中既餐牌係樓上,但見快打烊就入咗地下果層既枱,好在大家都搵到啱食既天婦羅。
我手上既係每日限售十個既匠丼,頂蓋舖滿炸物~
帶子天婦羅夠晒豪華,套餐內既湯非常好味,細細隻既蛽肉夠晒鮮味~
第一次食鱔片天婦羅,卷內裡既紫蘇葉及香菇,配搭一絶!
雖然係貴少少,但真係物有所值~
晚後行咗3間便利店,除咗飲品之外,當然有兩母子最愛既甜品。領隊揀咗牛奶味雪糕,睇黎好滿意咁喎~
幸男為咗雪糕,出盡力去撕開封口膠片。
PS:臨上飛機前send咗個短訊俾老豆,今次係我去咁多次旅行最心不在焉既一趟......
