重臨台場,不過今次係星期日兼日頭,為既係坐SKY DUCK出海遊彩虹橋。
入去接待室攞飛,原來今日坐既係比加超主題車。
同尋日一樣,太陽猛到眼都擘唔大。由於怕相機濕水,所以只係用NOKIA 9代勞。
車上既導遊姐姐都戴上比卡超頭飾,車內大部份係日本人,可能享受一日台場既購物家庭日。
我哋就係靠呢個斜坡衝落水~
路程只係圍住彩虹橋行,當然有穿橋底俾大家近望,唔知算唔算東京灣遊船河呢？
沿途見到有船P用既觀光船(日劇常見男女聚餐既情景),可惜未能遠攝～
上番水,落車行番去台場既FOOD COURT,求其每人一碟,食館就算。買幸男個兒童餐時,俾職員查問"真的兒童餐?",可能怕我哋叫錯,定無見到小朋友而起疑問。
假日四圍都係人,有點似係香港咁,又熱又攰。領隊叫我坐低,佢同幸男入去睇衫。
我係玩具反斗城,仲發現LOG ON STRIKER DX有得試玩,不過無咗個波。買咗個新幹線NANO BLOCK,就去STARBUCKS坐陣,再行FRED PERRY買咗條裙俾領隊。
搭鐵路番錦系町,係相熟既景觀安頓行李,因為下榻既係東武酒店~
幸男話想食拉麵,領隊用xz3上網搵到間人氣高既拉麵店,於是朝晴空塔行過去。
門口餐牌好得咁喎,我已經揀咗冷やし担担麵!
幸男揀鶏そば,領隊揀咗鹽味拉麵,兩母子愈食愈熱,食到成頭汗.....
我碗麵到喇,其實店舖都充斥住爐火既熱力,食冷麵啱晒啦~
由於碗麵得肉碎,所以叫定份叉燒黎墊肚(又幾香口,唔係齋煎邊位)。
食完一身汗味加油煙味,不過都係值得一食,性價比高兼味道唔差過一風堂0架~
