隔著紙窗的和暖陽光係天然既鬧鐘,起身梳洗好就落去食早餐。幸男舀緊既係龍蝦清湯,其實日本人真係可以食得晒成碗飯?
早餐過後,番上房浸多次溫泉,為是日之行程打打氣~
影完張合照,發現坐位係濕既...好在唔係著出街衫啫。
兩母子扮曬太陽,賴休閒....
上次落斜難,今日上斜咪仲絶望?好在溫泉旅館職員為我哋安排私家車,送我地上車站~
鐵路去番熱海站,搭巴士去熱海親人公園落車,大熱天時下行去立花溫泉旅館放低行李。能操流利英語既中年女櫃檯問我地打算去邊度食晏,並向一位老男櫃檯(地膽)打詢問,介紹我哋去呢間日式老店用餐。
推介重點係呢個時段食晏抵食過晚市,而且味道有保證。望去吧枱位,師傅們都真係經驗老到,連落單既店員都係老手~
旅行不時留意特別既電單車,車尾既懸掛架係咪用黎送外賣時唔會fing散份料理呢?
今日真係好熱,同金沢果日有得揮,巴士駁鐵路,行過一條隧道去來宮神社。
領隊一時興起為兩父子影合照,色水同細緻度都要將貨就價。
咁啱有駐場地既自拍架,當然補番張家庭照。
人流唔算多,可以輕鬆溜入靜思時刻.....
手水舍除咗潔淨功用外,係炎夏有無降溫之用?
每次去神社都係倆母子去祈福,我就繼續負責隨心影相。
凡係古樹都會被認為有靈性,呢棵2000年樹齡既“大楠”都一樣,我哋仲見到一對情侶搵攝影師影係度外拍。我哋跟指示圍住大樹行一個圈,祈求身體健康～
神社四周既綠蔭確實令大家暫放下俗務,慢活一刻來感受及敬頌大自然。
有别一般神社,呢度有間Cafe(熱到唔記得影低),讓遊人於露天或室内休息。另外，選購御守既櫃枱亦係室内場所,巫女同遊客都唔駛大汗叠細汗。
領隊話呢個心形落葉陣係打卡熱點,半踎姿勢下取景,只欠一對情侶～
係香港既鐵路站,一定見唔到呢個景象。
閉路電視都成為雀巢既地基。
趁未天黑,領隊帶幸男去旅館樓下既渚公園放電～
番旅館領回行李,再上房間,望正海景～
晚飯同訓覺都係呢個廳位,與望海既偏廳之間有趟門作分間。
唔知點解度門係有啲難閂,係門框位就會卡住,但太大力又會"嘭"一聲.....
今晚足不出房,可以坐定定食晚飯。
大家一齊享用附超市買既果汁梳打,我就當然係啤酒喇~
簡簡單單既燒牛肉,都可以上充滿美感。
20:20準時燒煙花,起初掙扎上天台熱住睇無邊全海景,定係房度涼住冷氣黎隔玻璃窗月睇,呢一刻證明我哋無做錯決定(無理由嘥咗間房既賣點)。
A7mk3留守玻璃窗外既露台,肩負錄影工作。
半個鐘既煙花會,絶無冷場,連衝去攞罐啤酒既時間都好難取捨!!散場時份,人流朝空地結集既巴士群進發,今次我地就唔洗迫埋一份喇~
開番燈,回收相機兼影番張合照,證明我地第四次係日本睇煙花有幾咁輕鬆~其實有段時間係好熱,因為領隊開咗玻璃窗,用smartphone試影video同相片。
