朝早趕上新幹線回聲號,係車上食麵包店買過既早餐。
大半個鐘就到熱海,我哋再轉觀海列車(直係望到海0架)前往伊豆急下田。
車箱一邊係單座位,另一邊就係側向三連座位(方便望海)。
呢架觀海列車叫黑船列車,領隊話唔係每班車都係0架~
一出車站就搵巴士站,我地要駁腳去第一個景點-下田海中水族館~
門面好似有點失色,不過都影住先~
第一個館內既項目,就係AMAZING SEAT。無錯,就係海豚係客人頭頂跳過。
遊客要先係服務處,約定心儀既節目時間並課金。服務處下方有個小沙灘,遊客可以行出淺水區,近距離接觸海豚(要自備泳裝)。
坐AMAZING SEAT之前,大家要先著雨褸防濕,隨身行裝可以暫存有蓋大箱之內。
小朋友會被安排坐前排,大人則坐後排。唔知係咪呢個時段大人多過小朋友,我前面係大人遊客,不過幸男睇得清楚就可以了(睇到成面濕晒)。
領隊為幸男約咗餵海豚項目,唔知幸男緊唔緊張呢?
職員見幸男唔識日文,特別多花時間黎作示範。影相時至醒起,領隊都可以一齊去餵丫~
除咗可以摸海豚之外,更可以用手勢及小食獎勵與海豚亙動。可以令海豚聽話,幸男開心得滯,連環餵海豚,結果俾職員發現並勸止。
有別一般水族館,下田海中水族館係固名思意既"海中",地理條件上係一個小內港,海豚可以享用戶外既空氣,藍天下之天籟以及海水的懷抱。
午餐時間又到喇,兒童餐永遠係不二之選~
我就揀咗咖喱豬扒飯配手工啤,邊食邊望AMAZING SEAT既海豚飛躍。
食飽飯,行埋與餐廳相連既紀念品商店就行去睇海洋劇場。
一開始有海獅表演,訓練員穿上鉛帶及戴上氧氣面罩,於水底與海獅嬉戲。科技進步,新式小型供氧裝備,令訓練員可以短時間於水底呼吸,省却孭氧氣樽之不便。
上水後,海獅用前鰭搭著訓練員身旁作直立姿勢~
輪到海豚表演~
衝出水面去頂波,贏得觀眾掌聲~
巴士轉鐵路,一出隧道就係人影都無個既伊豆北川站,個站........
兩母子背後既海岸線上,就係我哋今晚下榻既北川溫泉旅館。
望就係望到,但要你行落去都幾攞命.......幸男幫手扶喼落斜,領隊忙於實景與屏幕之間搵路。由於怕跟馬路行危險,我哋行民區路,先行一段長樓梯落斜(我一人抽一大一小喼),經過消防局,再係民居之間既迂廻曲徑行去海邊。
卒之上到房間,一齊既辛苦都係值得既!!
出到去露台,可以望住個大海之餘,仲可以浸住溫泉黎聽海聲~躺椅旁有支冰凍啤酒的話,就真係無得彈。
我地沿海邊行去北川溫泉名下黑根岩風呂,為咗上過當地電視既無敵海景户外風呂！其實海邊既行人路可以望到近海既岩石
日其實溫泉望出既海域之外,就係太平洋,所以舊石上面寫住望到去美國。
領隊一個人浸就悶少少,手機同wifi蛋相隔男女湯,唔知令隊部smartphone收唔收到訊號呢？
唔明點解海堤邊既路叫MOONROAD,睇真啲張相,應該係海面會映照出一條光影,好似行往月亮既路。
其實攞房前要行一段樓梯,先去到大堂,所以當初抬完喼都索氣......
晚餐當然係溫泉旅館內享用,最搶眼既莫過於豪華刺身船~
一枱都係嘢食,結果中間碟魚只係食咗三分之一..........
番上房一家三口輪流浸溫泉浴,旅館附近商店買既蜜柑手工啤味道夠晒日本風情。
PS:房間內既電話停留係昭和時代,正好觸動中年既心情。另外,下田海中水族館既現金收費,的確令我哋有點失預算。
