向同事們交待感冒不適,補一個鐘早走。係公司大堂會合老豆,一齊搭一個站輕鐵,再轉巴士出佐敦做檢查(好在追得切班63X, 如果唔係就會遲到)。“嘩～你著到成個外科醫生咁喎～”,志在讓老豆輕鬆一點點。
安頓好老豆,自己行番落去附近既Food Court食pepper lunch當做晏晝。
檢查前要禁食,奉老豆之命買定個嘉頓孖寶蛋糕兼罐裝咖啡,好在附近既7-11有得買。7-11門外，有架拉花綿羊,夠晒搶眼。
番上AHKMDC,邊借wifi上網睇genius bar邊等老豆。完成檢查後,度一次輻射量就換衫。原本問職員可否係大堂梳化位食嘢,無諗過職員主動借出休息房俾老豆坐低慢慢食。原本打算番老家食,點知老媽話唔得閒。為免小朋友接觸輻射,老豆自己先落車一個人去藍地食埋至番屋企,總係唔想煩到其他人…
PS:我問老豆地點環境如何？老頭子答好,仲話如果唔係我幫佢打點,佢一個人安排預約都唔知點搞。我唯一可以做既只係打點妥當,過濾過多既資訊,省却老人家既心煩。
