朝早係酒店大堂check out兼暫存行李就依舊行去新橋駅,唔少上班族已急步出入。
先係東京站轉搭新幹線,鐵路男當然把握與新幹線合照既機會。
落車時已將近十二點(2小時40分鐘車程),為求慳時間,係京都車站內搵間文久時代至今既老食店"松葉"。店舖既陳設與領隊麵一樣,充滿舊風情,少了時下既唯美風~
天婦羅冷蕎麥麵,幸男肚餓到不時打量午餐~
自己揀咗鴨肉蕎麥麵,味道怪怪的,鴨肉好似無咩調味,單純靠湯底去支撐。鴨肉唔太嫰口,咬落只有湯味夾雜著羶味(早知叫天婦羅好過)。
食飽就轉線去梅小路西駅(15分鐘就到埗),一出車站就望到京都鉄道博物館。
駐館職員為遊客拍照,先以收費相機拍照,再以客人之智能電話或相機代影,客人可以自由選擇要否購人收費照。
入場前係半戶外既地方影相,無用閃燈補光,有點燶面.....
之前有EVA主題既Jr500新幹線展出,唔知係咪怕蓋過新幹線戰士既風頭。
倆母子玩鐵道單車,明明係高山都踩過户外…
欠缺邏緝解難能力既幸男,被拱橋模型難倒…
手信店,係令人沉淪既地方…接過acc電話,話老豆無出現覆診。收線後,以whatsapp打電話俾大佬查問,原來只係職員搞錯,老豆已買飛兼等度血壓......自己今日心情其實麻麻,因為老豆今日去Haemat覆診,等醫生決定chemo日子。
動畫中,日本各地既鐵道博物館都係新幹線戰士既基地,相信現實中既鐵道博物館都會食住條水,直至電影版落幕。
與眾新幹線戰士駕駛員合照～
SHINKALION系列玩具展覽區。
今次旅行,幸男一心黎買Dr . Yellow923, 但見到有終極大佬奧伽,立即新增願望表～
行出户外既運轉台,有種似曾相識既感覺。呀～原來係同幸男係安定間砌圖見過既場境。當時幸男好想買但被駁回,無時間兼太多塊數……
另一邊有額外收費既蒸氣火車,悶熱既天氣,絶對考驗遊客對火車既愛。
無諗過車程只係一段直路,連回程都無…
大家努力撑大對眼並擠出笑容,勇敢面對夏日。
云云眾車中,車棚内有一架特别高貴既火車頭。
入番館内睇,原來係當年皇室專用既車頭。
晚飯前,先去RICO京都分店(新搬遷),交收已預訂之TAICHI電單車雨褸,順便買咗件KAWASAKI既T恤俾幸男。其實今次係第二次去RICO京都分店,上次係walk in去買e Heat手套。
晚餐係京都車站上蓋既商場食街享用,口味比午餐好得多,幸男亦相當滿意兒童餐～
除咗兒童餐,其他都係散叫。雖然只係小餐廳兼唔太多選擇,但食落都唔差喎~
牛扒唔係咩高級類別,但都好食過茶記及花園餐廳,性價比高。
當年黎京都只係日頭時間跟當地團去貴船食川床料理,順便去神社。落番車站就自由行去RICO,就搭新幹線番名古屋。
是晚留宿京都,但領隊book錯酒店,明明想住近酒店果間,結果係要行15分鐘至到既同名酒店之分店.....
PS:相機背囊拉鏈縫位卒之都爆開,服役多年,感謝你既陪伴。
