今朝空肚落街,領隊用電話上網搵到酒店附近有一間83年史既トリコロール 本店,内飾充滿懷舊氣色,尤其係木質既元素。
網上介紹呢度出名食蘋果批,我同領隊當然係一人一份啦。
店舖外觀令人感到時光既滯留。
今日既目的地係一個鐘車程既川越,月台無乜人，可以輕鬆舉機影相黎等車。
落車就跟住領隊手上既Google map行去きものや沙羅。店内掛上名人既簽名,可以揀既童裝及女裝衫一眼望晒,男裝就係最入既小房間内。
女裝包set頭,我同幸男乖乖等領隊。
藏造街道,一家三口一齊融合江戶代街景與現代交通系統之間,隨身行李暫存於"沙羅"。
非常佩服日本人可以將200年前舊建築物用心保存,並加入水電系統,讓舊建築物真正活著,於社區發揮功能。
著得日式和服,當然要配埋對拖鞋~
午飯時收到大佬既whatsapp通知,話老頭有小腸,尋晚入咗醫院,頓時無晒心情,午餐照都只係草草了事。
用電話whatspp過老豆,原來尋晚只係入急症,醫生教咗老頭子自行用手將隆起位置按回,無需上病房。
時の鐘,雖然係重建物(明治時期火災後重建),但依然係當地既重要打咭地標~
遊客區地段充滿著各式小食(手信)店,領隊睇中咗蜜柑糯米糍(無意中行到去XX組既門口食)。
日天氣真係好熱,不時要入便利店買嘢飲消暑,幸男當係揀雪條。
冰川神社,正門無咩大特別,所以係大鳥居之下為兩母子合照。
神社內有不少遊客,好唔容易至搵到個清閒既機會,係"縁結び風鈴回廊"拍照~
600歲既神木,大家都跟住指示,圍住神木行8字祈福。
無帶腳架都影到家庭合照,因為現場有貼心自拍架,方便遊客以智能電話取景。
水池旁邊有人形紙,另一邊有注連繩,唔知係咪用黎祈福呢？
放低香油錢,幸男成功釣上鯛形御守。女遊客們紛紛係粉紅鯛池努力,相信係戀愛運既御守~
大多遊客都貪方便以智能電話黎影相,我就覺得相片內容的細節及質感,最能勾起海馬體深處之回憶。
回程真係無力再行,搭巴士涼冷氣.....
臨入和服店還衫換裝前,把握最後機會拍照~
枉幸男有日本國家隊球衣,竟然經過八咫烏既神社唔知。除咗影相,仲買咗個日本足球隊主題既御守。
傍晚開始落雨,我哋擔住遮去Maruhiro商場,因為頂層有個9月就執笠既小型摩天輪。
可惜天雨關係,今日商場頂既戶外設施全停,但原來坐一次摩天輪要成1000円.......
呢個戶外遊樂場於9月就會停運,幸男亦於回憶牆貼上墨寶~
落番去玩具部逛,無新出既Dr Yellow新幹線戰士,但搵到一盒新商品"LOCK ON STRIKER DX"(8000円)。普通版(6000円)細盒啲,但前鋒就唔可以出倒掛。
我當然揀咗DX版本,希望係呢個較接近真實既足球遊戲,可以啟發幸男踢波既概念(另外我亦要一報傳統足球機之仇)。幸男安坐商場内之座位兼看守行李,領隊則陪我揀衫。
順住條街行,見有BIC CAMERA屬下既ソフマップ,於是上去望吓,竟然發現幸男祈盼既新幹線戰士Dr. Yellow 923。
行到八點鐘,大家又餓又攰,搵到間上樓既居酒屋開餐。唔好以為一坐低就好快有得食,其實全日文餐牌令我哋上網search咗唔少時間,結果加埋職員提供既英文餐牌至安心落單~
居酒屋又點可以無雞翼串燒呢?
每次托領隊拎相機都好擔心,因為佢半按快門後仲搖黎搖去(會唔會失焦0架?).....
最後柯打既雞翼都幾好味,醃醬帶有辣味,助酒一流~食飽行去車站搭車番酒店,期間不時有途人好奇地望住我哋盒"LOCK ON STRIKER DX"。
第一次試呢款SUNTORY啤,味道唔及IPA咁強烈,但稍微厚身既苦味亦適合夏日。
PS:一如所料,職員睇漏e mail,所以無為我哋預約攝影師, 唯有帶我哋去影樓,於綠布下影家庭照以示歉意(但成品真係有點唔夠自然)。
