雷鳥特急衝咗兩個鐘,將我哋由京都帶黎金沢。
一出車站就上的士,領隊將電話屏幕上民宿既地址交俾司機。民宿地址考起司機,要用埋私人智能電話上網搵路線。
二千円車資,領隊幾經嘗試才成功開門........
第一次住民宿,成間屋俾晒你住,比酒店既房間多一點活動空間。
客廳一邊係庭園邊廳,但相信都無時間享用慢活時刻........
另一邊角位就係廚房,飯煲煮食具都齊備,爭在你有無閒情兼係咪長住好幾日。
34度既金沢,一家都要掛住冰巾至可以捱到出去車站.....
近江町市場就係巴士站對面,相信係附近區內市民既集中地。
咁大隻蠔,點可以唔豪一豪佢?
特大蠔2隻,海膽1隻,梅貝1客~
領隊好滿意海鮮前菜~
小朋友唔食得生嘢,健康之選莫過於時令生果杯~
再食埋串燒,就正式去搵食店食正餐....
領隊帶我哋去安倍晉三惠顧過既近江町食堂,好在唔洗排隊,話晒係人氣食店嘛。
店內有手工生啤飲,但杯同內容不相符,因為我飲過杯上既牌子,而且餐牌上係比利是啤。
幸男忙於飲橙汁,牛肉烏冬都暫放一邊。
話今日係飲食團都不為過,一落巴士就去買金萡雪糕。領隊為親子團既準備,值得加許。
上次冬天行五稜郭,今次夏天就行金沢城公園。
曬到頭崩額裂,出埋HDR至影到張無咁背光既相......
實兩母子係等到我話OK至擘大對眼,因為我試相機設定需時......
入室內休息間既廁所為冰巾補水,咁啱個位又幾啱影相。可惜未能貼住玻璃窗影,令相片有些少反光。
呢條又斜又細級既樓梯好攞命,我隻10號鞋真係好難一級級上同落,幸男都好似蜘蛛俠咁爬。
睇黎頂層既"菱櫓"瞭望台都係翻新復原版本。
卡榫與楔子既組合,難倒邏輯欠奉既幸男.....
總係覺得草地唔係可以就咁行過去,不過都在當地人照行。
日本三大亭園之一既兼六園,係有小瀑布兼綠樹成蔭,但個人覺得唔係太特别(可能先入為主下，被新海誠筆下既新宿御苑之色調所迷)。湖畔有間木屋,唔係係咩黎呢?
好多遊客係度排隊等影相(和式園風),膽小既幸男要慢慢坐低兼驚住黎影呢張相。
等過斑馬線時,見有遮既坐位,領隊順便用智能電話搵路去巴士站。
搭巴士番去金沢駅,領隊話要係景點"鼓門"前影相,我同幸男就無咩興趣....
搵咗間鐵板餐廳Oh My Steak食晩飯,店內陳設好在西部牛仔感~
鐵板牛扒都有兒童餐,8歲既幸男同車仔碟有點違和感............
CHATEAUBRIAND BLOCK STEAK(食數限定),菲力扒既中間部份,夠晒嫰滑~
領隊睇中較特別既RED WINE BUTTER STEAK,話晒香港只係黃金海岸餐廳食過一次。食飽飯係商場行一陣,領隊順便為幸男揀波boot,成功購入2對(畢竟一星期踢四日波)。
買埋個星巴克外賣就行番民宿,之不過呢個宵夜並無想像中咁順利。由於民宿位於普通住宅區,真係要搵啱條街至會行到去,加上定位出現180度相反既指向.....其間幸男一聲"唉~",觸動領隊既神經(責問之下,原來幸男係肚痛)!幾經艱辛,卒之都搵到門口。如中午時份一樣,大家都未能掌握密碼鎖同趟門既組合,差啲以為要訓街........
PS:朝早係火車站見到瑞風既廣告,諗起上網睇過既豪華介紹~另外,民宿個地面都幾多塵同食物碎屑,結果我要用佢部ELECTROLUX無線吸塵機打掃下(可惜太攰,無心情影相)。
