今晚湘湘家訪幸男,為咗慳時間,我同人家一齊於西鐵屯門站落車,兵分兩路。台灣女生直接去馬屋買外賣套餐,而我就拎晒啲隨身行李兼新鞋番屋企(搭的士),再騎愛駒去外母屋企接幸男~兩位女仕,雞啄唔斷咁傾,始終唔再係朝見口晚見面既同事。
幸男誠邀曼聯迷一齊玩足球遊戲盤,唔知幸男仲記唔記得BB個陣俾湘湘抱過呢?湘湘對呢個近似真實足球既遊戲盤,感到非常新奇。
PS:今日係海景家褔食過晏早餐(10點等咗近半個鐘),就搭車出又一城既ROCKPORT買鞋(因為K11分店已摺)。第一次係連鎖咖啡店THE COFFEE ACADEMICS歇腳,我貪新鮮揀咗Agave(黑胡椒龍舌蘭咖啡),胡辣味又幾夾烘濃既咖啡香~人家果杯Burnt Citrus Iced Tea,望落係雙檸加橙片既紅茶,味道理應由單層變三重。
