大假最後一天

晏晝一家三口安在家中睇之前買落既超音鼠藍光碟,畫面同聲效都係較NETFLIX出色。電影成功將一個動作遊戲角色,包裝成以時空環逃往地球既異星生物,並將Dr.Egg設定為地球上充滿野心既邪派角色。故事環繞Sonic既認定為新能量既發現,故被Dr.Egg追捕,Sonic亦向男主角(小鎮警長)求助,前住三潘市尋回意外落失既Ring(時空環)。結局有Tails出場,而且Dr.Egg係異星球蠢蠢欲動,睇黎續集在所難免。

睇完戲,出花園試用小米既氣泵。雖然係方便,但都幾嘈吓(建議戶外用)...即使你set咗35psi,但等到佢停個陣會係36,故最好見佢到35就好按停。因為去開既油站不時有氣泵故障,所以睇中咗呢款氣泵,順便可以當係去沙灘泵浮床用。

台灣女生係傍晚時份出去買餸,夜晚一家三口安在家中用餐。唔知人家幾時又買咗個冷麵機.......

PS:當年我都有買GAME GEAR,仲記得係約老豆收工係華都既龍珠買GAME GEAR連SONIC & TAILS套裝。唔記得用咗幾多利是錢,只記得係過千~