同台灣女生一齊夾今個星期大假,當然係關島註冊紀念日~為咗享盡優惠,人家訂咗正日前席既閒日入住海景家福酒店,可以望住半個維港海景~
炎炎夏日之下,住客可於頂層泳池游水降溫兼舒展吓。平日輪班番工後,尚要配合兩母子正常既時間表,所以我都好耐無落水。
不熟水性既人家,只係偶儞落水降溫,大部份時間都係滑動智能電話屏幕~泳池內有一家四口家庭,華籍及外籍情侶各一對。
酒店住宿包是日晚餐$1600有找,計落好似買一送一咁,而且主廚仲係Jamie Oliver既師傅。
晚餐有牛肉及鱸魚兩款主菜,為試晒味道,當然每款各一~
但求方便,無帶相機出行,低光下NOKIA 9都係勉強作紀錄工具。
前菜已夠晒吸引,唔似將貨就價,於是臨時追加番個wine set。
走到第13個年頭 ,"心跳回憶"已轉化為"生活伙伴"。不時被問到"你仲愛唔愛我?",官方答法:"咁多年都仲一齊,仲想點?"其實理應以伍佰既歌詞"如果這都不算愛 我有什麼好悲哀"作回應~
嗜牛既我,非常滿意主菜,可以多一塊就更好。
兩個人交換食,雖然份量唔算驚人,但味道絕對令人回味。
尾聲既甜品拼盤,令我非常驚喜,因為唔會太甜膩!人家好驚訝我會追食甜品,但真係好食,朱古力蛋糕都可以輕鬆處理~
房間有個隱閉式雪櫃及Mini Bar,可惜逐樣收費兼款式太過普通(7-11一定買得齊).........
Check in前係百佳買定飲品,揀咗之前有網上介紹過既新產品,結果係唔啱飲,一啲都唔似IPA風格....幸好晚飯既wine set有三杯酒,足夠讓我放鬆身心。飲飽食醉後,可以係房間抖一晚,確實有點似屋企食飯般輕鬆!
世界三大夜景之一既維港,疫情下顯得淒美,少了點都市活力。
PS:今朝騎愛駒送幸男番學,懶洋洋既幸男企得有點寒背,我遠距離提點才精神一點....接幸男放學去市中心明苑飲茶(新斗記執咗),飲到一肚氣,忍唔住親自拎單出櫃面俾錢同向部長投訴。
