捉緊6天日作既尾巴,趕急完成工作上既打點,補鐘騎愛駒去貝爾特拎台灣女生訂好既外賣。
每次經過工廠區,都會諗起2年前裝修時既時光,因為當時我哋一家三口住係貝爾特兼望到迷你倉所在既工廈,以及幸男最留意既巴士廠。
唔好以為外賣就要將就吓,我今晚都有扒食0架(配雪櫃既黑啤)~台灣女生食炭燒西班牙豬扒,幸男依舊食肉醬意粉配雜果賓治。原本兩母子為咗溫習考試,一心安在家中頹食。突如其來既補鐘,為艱辛溫習帶來一點美食惠勞。飯後拎出新入手既千值練FINAL DANCOUGA,新機體塗色走金屬風,大腿同上臂既線條比舊啞色顯得更加立體。肩關節換上金屬部件,各機之駕駛倉亦換上透明部件,更配上電影版既背翼及斷空光劍,以及機戰Z裡夢幻機FINAL DANCOUGA之黑鷹作飛行背包。雖然之前出既黑鷹已可以與斷空我合體,但色調就無今次FINAL DANCOUGA套裝既塗色咁一致。
