大假既二人時光,騎愛駒同台灣女生去YOHO既Glasshouse食晏。因為上次入場睇TENET前食過,性價比高,又近My Cinema,所以再次惠顧。
我揀咗燒豬肋骨配薯條,至少自己平日食晏既地方無,強擠一點點新意。
同上次一樣,我哋都係黎MY CINEMA睇戲,不過今次就唔洗趕頭趕命,仲有時間自拍添。
之前都想入戲院睇呢齣以屯門為拍攝地區既愛情電影,可惜疫情下,連戲院都要被關門。戲院重開,不過屯門市中心果兩間都無再上畫,得番YOHO MY CINEMA有得睇。相熟既外景,加強觀眾既投入度。"我不介意......你呢?",以性作社會生存之手段既女主角葉嵐,巧遇對自己有Erotomania愛情妄想症既思覺失調康復者(男主角)志樂,由利用轉化為真愛。
葉嵐唔介意志樂有精神病,即使關系曝光,最後令願犠牲前途。可惜另一邊廂,唔介意葉嵐過去不光采過去既志樂出於自責,不願影響女主角學界前途,兼再一次被社會壓垮,感到自卑而疏遠葉嵐。故事開端,志樂與愛情妄想症對像欣欣既橋段,鮮有地為本土電影帶來點新意,無諗到Erotomania過後,葉嵐會被志樂對欣欣既真誠重燃對真愛既渴求及救贖。對上一齣覺得好睇既港產愛情片故事,應該係<星願>,但<幻愛>除咗故事更出色之外,男女主角既精湛演出更勝明星。
夜晚係屋企食過外賣自取既但馬屋火鍋外賣(加一田生蠔),就同人家一齊睇22年後告白。懸疑劇情去到後段有出人意表既轉折,但凶手竟然被人家估中咗~
疫情下,戲院椅杯架上沒有飲品或爆谷,換上一支拐杖。好耐無同人家煲電影了,重拾新婚既日常~
PS:其實迫輕鐵並無電影中般浪漫.............
