足球班復課,最開心既當然係幸男,我亦特意帶相機為幸男影相~
壽星仔係有啲運數,今日幸男有3個入球!雖然唔係"嘭嘭"聲既勁射,但入球足以令幸男開心。解散前,隊友們係教練帶領之下,為幸男唱生日歌,臨走前黃SIR仲抱起幸男(體重已不再係小一生)。
晏晝係市中心食拉麵,拎埋個生日蛋糕, 之後就搭的士番屋企,搞個小型生日照相會。
朱古力牌向前傾倒,中間兩"福男"兩字遭壓,好在都估得到係乜字。原定係Thomas生日咭(出年可能不再愛Thomas),但兩母子係Log On見到足球主題兼發聲生日咭,結果鬧出雙咭門..............
足球場生日咭,除咗有燈效之外,旁白宣告生日杯賽開始,並且有現場球迷大合唱happy birthday歌。人家準備氣球時,發現0字漏氣,唯有照頂硬上拎黎影相。唔願食奶既初生BB,已變為揀飲擇食既小學雞,但父母依舊只求你健康快樂,做一個"幸福男孩"。
夜晚我哋一家三口出席Jason既婚宴,斯文乖乖仔今天成家立室喇~幸男得悉自己生日要去飲宴,當初有點拒抗,但知道場地位於區內,就"OK"欣然接受。
五月,我出席過8人一枱既婚宴,今次就係4人一枱。以前我哋為婚宴既預算而頭痛,但疫情下既新人卻要煩惱場地可否配合朝令夕改既指令。
我一家十月之星全員為Jason及Yuki送上最真誠既祝福,"新婚快樂,幸福美滿"~
壽星仔順手收到長輩們既利是,多謝大家對世姪既關愛~
今晚20：00有英超比賽富咸對狼隊,幸男以夜神月式薯片戰術作偽裝。
PS:多謝德輝特意為我哋一家安排私人接送~
