疫情下一度結業既嘉爵,經歷近兩年,上星期以翠湖(嘉爵)之名重新開張。
老豆入院留醫觀察,需日用品補給,於是約咗老媽係嘉爵食晚飯兼交收。幸男踢完波,自己搭輕鐵黎會合我哋(我係出去天橋底接)。六點幾入座,已無咩吉枱,之後開始排隊。裝潢企理, 一洗過往陳舊霉噏既景像,但食品都係一般兼且樓面運作混亂....漏單問極都無人跟進兼有答覆,個個都係"哎吖....咁呀?",結果出去埋單兼要求取消成個鐘都無上枱既BB豬半隻。嫲嫲食到把鬼火,連支藍妹都未飲晒就走人。
愛駒載埋幸男去醫院病房外見爺爺,轉交日用品後,兜去V CITY買小食(碗仔翅,蝦多士)當宵夜。
趕番屋企沖涼,睇八點既李斯特城對車路士(詐糊精彩過正式入球)。幸男臨訓前用XPERIA II聽歌(一秒拳王主題曲-時間的初衷),我就叫幸男試用我個AUDIO TECHNICA既DSR7BT,介紹佢聽多一點細節及厚一點既聲韻。
PS:台灣女生今晚出席同事既囍宴(番到黎幸男已訓著),所以成晚都係父子one on one。
