著迷係一種幸福

今晚係幸男第二日踢U13,台灣女生與同事食飯,所以由我去接幸男。人家話幸男第一堂經驗麻麻,因為導師比U12嚴厲得多。我到場睇咗臨尾10多分鐘,又的確唔再柴娃娃,但唔見幸男被訓斥。

帶咗件電單車雨褸俾幸男作擋風,騎愛駒去V CITY既炙食和牛拉麵。幸男話少咗被鬧,而自己亦較上次融入球隊。其實我好主張幸男去踢波,因為有一種運動去著迷,係人生既動力,目標以及心、技、體既磨鍊。

PS:雖然中三打咗一年櫈腳既三人籃球,但我當年都好開心,每個周未都期待星級同學既邀約。