幫襯"空殼公司"

今日番完早更,騎羊去置樂相熟商場行吓,見到一間game舖陳列呢隻Wii版bioharzad套裝,但標價$190.咁平,無理由0架?睇真啲,原來只係得個盒同槍架,無game同umbrella特典.原廠槍架一直都無得散賣,可能係本港game鋪特登唔入貨,好讓槍擊game一出可以炒高個價同促銷.其他雜廠既出品都要六十至一百蚊不等,而且手感亦不及原廠既Wii Zapper(本人曾經中計.....)

左計右計,俾多幾十蚊就買到個平時無得散賣既原廠槍架,真係好吸引,於是就向呢間"空殼公司"出手.我以盒內無咗本具珍藏性既umbrella特典為由,向哥仔議價.哥仔話佢買番黎時都無(分明講大話,隻game既官方網站同盒上都話有),只願減十雞,最後以$180成交.其實日本既定價係1500円,七算黎計大約港紙一舊水多啲,點計個位哥仔都係有賺.如果自己搵其他代訂日本貨既舖頭既話,計埋運費又要加多幾十蚊同要等.....

係屋企試過件貨都無問題,以後打槍game就可以同台灣女生以及家訪既朋友仔一人一槍啦~~