市中心間元氣開番,係一月十九日前儲夠六舊水既單就可以申請元氣咭,享有折扣優惠.今晚我同台灣女生就再黎幫襯吓,一如已往,都係咁多人排隊,要等大半個鐘,上一次仲排到轉彎添.....(你睇人家等得幾攰
)
)
相熟既壽司,幼滑既燉蛋,香口既軟殼手卷之外,我地仲叫咗個時令"活赤貝刺身",賣點係即叫即開即劏.啲肉睇落去有啲似生雞肉咁,但味道同口感就有啲以打邊爐既珊瑚蚌咁~~
個貝殼都成半隻碟咁大0架,兩個人分黎食都夠肉食,感覺比之前食既帆立貝刺身好食啲.
食飽飽,行咗去中原睇儍瓜機,因為舊個部得番一舊電,買番舊原廠電又成三舊水.一月去日本都想有部防手震既機,舊個部當spare都好,問人借又唔太好意思.以預算同功能黎計,最後放棄nikon選擇canon既IXUS
860IS(連2G SD咭,屏幕保護貼,原廠機袋,代用電一舊,埋單$2,880).買個陣咁啱ANDY行過,原來佢約咗佢未來老婆係稻香打邊爐,真溫馨~~
夜晚同人家係屋企睇租番黎既"索女,喪屍機關槍",人家好少會睇呢啲恐怖片,但由於劇情太搞笑同離譜,人家都一邊避睇核突情節,一邊笑低能搞鬼既橋段.話晒都係三級片,但核突恐佈為主,色情元素就欠奉,呢啲戲都係租番屋企睇就夠.
PS:唔知點解女角一抽起支腳槍,唔洗扣TRIGGER都會自己開火,同埋唔見佢要換彈夾......
